სამთო-სათხილამურო კურორტი გოდერძი სნოუბორდისტებისა და თავისუფალი სტილით მოსრიალეებისათვის საუკეთესო ასპარეზია შესაძლებლობის გამოსავლენად. დეკემბრის დასაწყისიდან მოსრიალეებს ეძლევათ შესაძლებლობა გამოსცადონ კურორტის შემდეგი უპირატესობები: კაშკაშა მზე, მაღალი მთების კლიმატი და რაც მთავარია - სეზონის ადრეული დასაწყისი. მოყვარული სნოუბორდისტები გოდერძის მსოფლიოს სხვადასხვა კუთხიდან სტუმრობენ.